يوميات سائق ركشة

جاءنا البيان التااالي ...

قاليك في واااحد عندو ركشة ...

والركشة طبعا فيها تلاتة لساااتك .. للحناكيش (عجلات)

عمنا قااام من الصبااااح لفا ليك السيجااارة واصتبح بي مزاااج كدي ...

وقااام ساااق الركشة ...

شارع شارعين تلاااتة وقفتوا ليك مرة ...

المرة : ركشششششششششششششششششة

المسطووول : زززززززززن وقف الركشة ..

المرة : هييييييييي مالك طاير كدا ...

المسطول : ليه شايفاني حمااامة

المرة : ضحكتني يا ولدي من الصباااح ...

المسطووول : ما هو صباااح باين من اولو ...

المرة : ارح وديني السجانة ..

المسطوول : انا ما ماشي امشي براااك ..

المرة : ها يا ولدي انا قلتا ليك ارح وديني ما ارح معاااي ...

المسطوول : هي لكن ما انتي ما عارفة العليا والبينا ...

المرة : توديني بكم ..

المسطول : ما بنختلف يا يمة ..

المرة : النجمة التقدك يا ولد امك بي وين انا ...

المسطووول : خلاص يا مداااام..

المرة : ضحكت (هههههههههه) اي كدا انا لسة في شبابي ..

المهم الحوار و دار بيناتم ووصلا السجااانة ...

وهو وراجع لاققوهو بتين قالو ليهو يا عمووووو ماشين الرياض ..

المسطووول ابتسم وقال ليهم اتفضلو ..

وهاك يا الونسة وشيل ارقاام الهواااتف ...

ونسة لي ونسة ..

انقرواااا الحصل شنو ...

فاصل ونوااااصل ..

برب ...



وبدا اليوووم التاني وصاحبنا دووور الركشة...

ومشي البيت جووووووووووووووووة جهز الشغلااانية ...

واصطبح كدا وبقي مارق ....

ماشي في الشااارع كدا لاقاهو شااافع ومعاااهو امو ...

الشاافع : ركششششششششششششششششة...

بتاع الركشة : اففففف دا شنو شفع من الصباااح ...

الشافع : ماشين اللوضة تودينا بي كم ...

بتاع الركشة : روضتك دي بي وين ...

ام الشافع : هناك بي الشااارع دا طوااالي ...

بتاع الركشة : ياتو شااارع ...

ام الشااافع : بث انت امش ونحنا بنوريك...

بتاع الركشة : اركبو ...

دور الركشة وماشي في الشارع فجأة الشااافع بقي يشاااغل فيهو يضربو كدا ويقرصو في يدو ..

بتاع الركشة : يا ولد اقعد سااااي ...

ام الشااافع : مالك في شنو بتكووورك في ولدي كدااا..

بتااع الركشة : انتي ما شايفاهو بسوي في شنو ...

ام الشااافع : ناوا سوي شنو ...

بتااع الركشة : بضربني في يدي ...

ام الشااافع : يا ولد بطل ..

بعد دقيقتين الشااافع تاني لكزووووا للحناكيش (ضربوا )

ام الشااافع : خلاث لف يمين ...

بتااع الركشة : بي جاااي ...

ام الشااافع : ااااااي هديك الروضة ..

بتاع الركشة : يلا انزلوا انا ما بقدر اواااصل ..

ام الشااافع : ليييييييه...

بتااع الركشة : ما شايفة بتاع الحركة داااك ...

ام الشااافع : مالوا يعني ...

بتاع الركشة : كيف مالوا اليااام دي في قطع ايصالات ودا اول مشوااار عليك الله انزلي ياااخ ...

نط الشااافع : ابينا ما بنزل مش بي حقنا عان دا بلاي ...

ام الشااافع : يا ولد جبت الكلااام دا من وين ..

الشاافع : من السوووق خخخخخخخخخخخ

ام الشااافع : يا ولد بطل كلاام فارغ ..(انا ما عارفة الشااافع دا جاب الكلاام دا من وين )

المهم نزلوا من الركشة وبعد تل تلة ادوووهو الفين والشااافع بعد ما ضمن روووحو وصل الروضة وامو دخلت قدااامو وهو واقف جمب باااب الروضة شااال ليهو حجرين وقعد يفلق في بتااع الركشة ...

بتاع الركشة داير يسكو ام الشااافع جات دخلتو ...

صاحبنا شم الوضع شمة وحلف تاني ما يركب شفع معاااهو في الركشة ..

تمتم سالمين ...

ولنا رجعة في مشوااار جديد